غزہ پر اسرائیلی فوج کے حملوں میں شدت آگئی، تازہ کارروائیوں میں مزید 90 سے زائد فلسطینی شہید ہوگئے۔ عرب میڈیا کے مطابق ہفتے کو اسرائیلی فوج نے غزہ میں رہائشی عمارتوں، بے گھر فلسطینیوں کی پناہ گاہوں اور خیموں پر بمباری کی۔
اس دوران شمالی غزہ میں نہتی خواتین اور بچوں پر بھی ڈرون حملے کیے گئے، جس میں کئی افراد زخمی ہوئے۔
عرب میڈیا کے مطابق ہفتے کی صبح سے اب تک ایک ہی خاندان کے 11 افراد سمیت مجموعی طور پر 90 سے زائد فلسطینی شہید ہوچکے ہیں۔
شہداء میں ایک فلسطینی صحافی بھی شامل ہے، جس کے بعد غزہ میں شہید صحافیوں کی تعداد 252 تک پہنچ گئی۔
دوسری جانب امریکی صدر ٹرمپ نے غزہ جنگ بندی معاہدہ جلد ہونے کا دعویٰ کیا ہے جبکہ حماس کا کہنا ہے صدر ٹرمپ کا کوئی منصوبہ ابھی تک نہیں ملا۔