اسرائیلی فوج نے غزہ شہر میں زمینی آپریشن کا آغاز کر دیا ہے۔ عرب میڈیا کے مطابق کئی ہفتوں تک جاری فضائی بمباری اور بلند عمارتوں کی تباہی کے بعد، اسرائیلی فوج ٹینکوں کے ساتھ غزہ شہر کے وسط میں داخل ہوگئی ہے۔
رپورٹس میں بتایا گیا ہے کہ اسرائیلی طیارے بمباری جاری رکھے ہوئے ہیں جبکہ غزہ کے وسطی حصے میں زمینی کارروائی بھی جاری ہے۔
ہزاروں افراد غزہ شہر سے دوسرے علاقوں کی طرف منتقل ہو رہے ہیں، تاہم بہت سے شہری اپنے گھروں کو چھوڑنے کے لیے تیار نہیں ہیں۔
دوسری جانب، گزشتہ 24 گھنٹوں میں اسرائیلی حملوں میں 3 صحافیوں سمیت مزید 60 فلسطینی شہید ہو گئے، اور اتوار کے روز اسکولوں اور کلینک سمیت 16 عمارتیں تباہ کر دی گئیں۔
ادھر اسرائیل کے دورے پر موجود امریکی وزیر خارجہ مارکو روبیو نےکہا کہ اسرائیل نے غزہ شہر میں آپریشن شروع کردیا ہے اور اب معاہدے ہمارے پاس معاہدے کے لیے صرف چند دنوں یا ہفتوں کا وقت رہ گیا ہے۔