پاکستان نے انٹرنیشنل بیالوجی اولمپیڈ میں پہلا گولڈ میڈل حاصل کر لیا، 35 ویں انٹرنیشنل بیالوجی اولمپیڈ کا انعقاد فلپائن میں 20 جولائی سے ہوا۔
ترجمان اٹامک انرجی کمیشن نے کہا کہ پاکستان کے عبدالرافع پراچہ نے گولڈ میڈل حاصل کیا، پاکستان کی ٹیم کی قیادت ڈاکٹر اسما عمران اور ڈاکٹر اسما رحمان نے کی، انٹرنیشنل اولمپیڈ میں مس عیان اسلم نے آنرایبل مینشن کا اعزاز حاصل کیا، انٹرنیشنل اولمپیڈ میں سعدیہ ذوالفقار اور عروج فاطمہ نے بھی پاکستان کی نمائندگی کی، پاکستان کے دانیال شہزاد حامد نےفرانس میں 55ویں انٹرنیشنل فزکس اولمپیڈ میں کانسی کا تمغہ جیتا، محمد بلال نےانٹرنیشنل فزکس اولمپیاڈ میں اعزازی سند حاصل کی، ایمان فاطمہ کو تھیلس سولیڈیریٹی سے نوازا گیا۔