امریکی صدر ڈونلڈ ٹرمپ اور اسرائیلی وزیراعظم نیتن یاہو کی وائٹ ہاؤس میں عشائیے پر ملاقات ہوئی۔ اس موقع پر صدر ٹرمپ نے ایک بار پھر پاکستان اور بھارت سمیت دنیا میں کئی جنگیں روکنے کا ذکر کیا۔
انہوں نے کہا کہ تجارت کے نام پر دونوں ممالک نے جنگ روکی، پاکستان اور بھارت دونوں کے پاس ایٹمی ہتھیار ہیں۔
امریکی صدر ڈونلڈٹرمپ نے کہا ہے کہ امید ہے اسرائیل ایران جنگ ختم ہو گئی، ایران کی ایٹمی تنصیبات مکمل تباہ کردیں۔
تہران پر ایک اور حملے ضرورت نہیں پڑے گی۔ ایران مذاکرات کیلئے تیار ہے،حماس بھی غزہ میں جنگ بندی چاہتی ہے۔
اسرائیلی وزیراعظم نیتن یاہو نے کہا کہ امریکا کے ساتھ ایسے ممالک کی تلاش پر کام کر رہے ہیں جو فلسطینیوں کو بہتر مستقبل دے سکیں۔
اس موقع پر اسرائیلی وزیراعظم نے صدر ٹرمپ کو امن کے نوبیل انعام کے لیے نامزد کر دیا۔