امریکی صدر ڈونلڈ ٹرمپ نے دعویٰ کیا ہے کہ اسرائیلی وزیر اعظم نیتن یاہو غزہ میں بمباری ختم کرنے پر رضا مند ہیں۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے اپنے ایک بیان میں کہا ہے کہ حماس اقتدار میں رہنے کا فیصلہ کرتی ہے تو اس کا مکمل صفایا کردیا جائے گا۔ اور جلد معلوم ہو جائے گا کہ حماس سنجیدہ ہے یا نہیں۔
انہوں نے کہا کہ اسرائیل غزہ سے ابتدائی انخلا کی حد پر متفق ہو گیا ہے۔
ڈونلڈ ٹرمپ نے کہا کہ اسرائیلی وفد مذاکرات کے لیے مصر روانہ ہو رہا ہے۔ اور امریکہ جنگ بندی منصوبے کو آگے بڑھانے کی کوشش کر رہا ہے۔
امریکی وزیر خارجہ مارکو روبیو نے کہا کہ جنگ بندی کا معاملہ بہت جلد حل ہونے کی امید ہے۔ اور ہم چاہتے ہیں کہ یرغمالی فوراً رہا ہوں۔ امید ہے کہ یہ معاملہ اسی ہفتے کے آغاز میں طے پا جائے گا۔
انہوں نے کہا کہ 90 فیصد بات ہوچکی ہے۔ اور انتظامی معاملات کو حتمی شکل دی جا رہی ہے۔ اس کام کو ہفتوں یا دنوں تک کھینچنا نہیں چاہیے۔