اسرائیل میں نیتن یاہو حکومت کے خلاف احتجاجی مظاہرے جاری ہیں۔ مظاہرین نے ایک بار پھر دارالحکومت تل ابیب میں جمع ہو کر حکومت مخالف نعرے لگائے۔ سینکڑوں اسرائیلی شہری ہاسٹیجز اسکوائر پر جمع ہوئے اور یرغمالیوں کی فوری رہائی کا مطالبہ کیا۔
مظاہرین نے ہاتھوں میں پلے کارڈز اٹھا رکھے تھے جن پر غزہ جنگ کے خاتمے اور یرغمالیوں کی رہائی کے مطالبات درج تھے۔
مظاہرین کا کہنا تھا کہ دو سال گزرنے کے باوجود حکومت نے نہ تو جنگ ختم کرنے کے لیے کوئی قدم اٹھایا اور نہ ہی یرغمالیوں کی واپسی کے لیے مؤثر حکمت عملی اپنائی۔
شرکاء نے نیتن یاہو حکومت پر شدید تنقید کرتے ہوئے فوری اقدامات کا مطالبہ کیا۔
اسرائیلی شہریوں نے حکومت پر زور دیا کہ جلد از جلد امن کی جانب اقدامات کیے جائیں اور یرغمالیوں کی فوری واپسی کو یقینی بنایا جائے۔