فلپائن کے جزیرے مینڈاناؤ کے ساحل کے قریب شدید زلزلہ آیا، جس کے بعد سونامی کی وارننگ جاری کر دی گئی۔ غیر ملکی میڈیا کے مطابق 10 اکتوبر کی صبح 9 بج کر 43 منٹ پر مینڈاناؤ میں 7.4 شدت کا زلزلہ ریکارڈ کیا گیا، جس کے فوراً بعد سونامی کی وارننگ جاری ہوئی۔
فلپائن کے زلزلہ پیما ادارے نے پیشگوئی کی ہے کہ اگلے دو گھنٹوں میں بحرالکاہل کے ساحلی علاقوں میں ایک میٹر تک اونچی لہریں آ سکتی ہیں۔
حکام نے ساحلی علاقوں میں رہائش پذیر شہریوں کو محفوظ مقامات پر منتقل ہونے کی ہدایات جاری کر دی ہیں۔
رپورٹ کے مطابق زلزلے میں کسی کے زخمی اور ہلاک ہونے کی تاحال کوئی اطلاع نہیں ہے۔
واضح رہے کہ یکم اکتوبر 2025 کو بھی فلپائن میں 6.9 شدت کے زلزلے تباہی مچادی تھی جس کے نتیجے میں 74 افراد ہلاک اور 500 سے زائد زخمی ہوگئے تھے۔