ایران نے امریکی صدر ڈونلڈ ٹرمپ کی مذاکرات کی پیشکش کو متضاد قرار دے دیا۔ گزشتہ روز اسرائیلی پارلیمنٹ سے خطاب میں صدر ٹرمپ نے ایران کے لیے دوستی اور تعاون کا ہاتھ ہمیشہ کھلا رکھنے کی پیشکش کی تھی۔ اس پیشکش پر ایرانی وزارت خارجہ نے فوری ردعمل دیا اور اسے متضاد اور ناقابل اعتماد قرار دیا۔
وزارت خارجہ نے مزید کہا کہ واشنگٹن کا رویہ مخالفانہ اور مجرمانہ ہے۔
واضح رہے کہ جون میں اسرائیل اور ایران کے درمیان جنگ کے دوران امریکا نے ایرانی جوہری تنصیبات پر حملے کیے تھے اور صدر ٹرمپ نے دعویٰ کیا تھا کہ امریکا نے ایران کی جوہری تنصیبات کو مکمل طور پر تباہ کر دیا ہے۔
امریکا سمیت دیگر مغربی ممالک نے الزام عائد کیا تھا کہ ایرانی ایٹمی ہتھیار حاصل کرنا چاہتا ہے تاہم ایران نے الزامات کی سختی سے تردید کی۔