کیلیفورنیا: سوشل سیئرنگ ایپلی کیشن انسٹاگرام نے اپنے 25 تخلیقی صارفین کو ایوارڈ دینے کا اعلان کر دیا۔
غیر ملکی خبر رساں ایجنسی کے مطابق انسٹا گرام نے اعلان کیا ہے کہ وہ اپنے نئے “رنگز” پروگرام کے تحت 30 کروڑ فعال صارفین میں سے 25 تخلیقی صارفین کو ایوارڈ دے گا۔
منتخب شدہ صارفین کو فزیکل رنگ دی جائے گی۔ جسے انگلش ڈیزائنر گریس ویلز بونر نے ڈیزائن کیا۔ اور ان منتخب صارفین کے انسٹاگرام پروفائل اور اسٹوریز کے لیے ایک منفرد گولڈن رنگ بھی فراہم کیا جائے گا۔
صارفین کو اپنے پروفائل کے بیک گراؤنڈ کلر کو حسب منشا تبدیل کرنے کی سہولت بھی میسر ہو گی۔ اور ان کا مواد ایپ میں ان کے اپنے اسپاٹ لائٹ اور فیڈ میں نمایاں ہو گا۔
انسٹاگرام کے فیشن پارٹنرشپس کی سربراہ ایوا چن نے کہا کہ یہ ایوارڈ ان لوگوں کو تسلیم کرنے کے لیے بنایا گیا ہے۔ جو پلیٹ فارم پر تخلیقی مواقع لیتے ہیں۔ یہ لوگ ثقافتی محرک ہیں۔
انہوں نے کہا کہ انسٹاگرام 3 ارب لوگوں کی کمیونٹی ہے۔ اور یہ 3 ارب لوگ شاید ایک ارب مختلف دلچسپیوں کی عکاسی کرتے ہیں۔ امیدواروں کی لمبی فہرست میں سے صرف 25 کا انتخاب کرنا ایک مشکل عمل تھا۔ مگر ہم تمام ججز ایسے لوگوں کی تلاش میں تھے جو تخلیقی مواقع لیتے ہیں اور نئے طریقے سوچ کر اپنے سامعین سے جڑتے ہیں۔
’رنگز‘ کے ججز میں ایوا چن، گریس ویلز بونر، انسٹاگرام کے سربراہ ایڈم موسیری، ڈائریکٹر اسپائک لی، رگبی اسٹار ایلونا ماہر، میک اپ آرٹسٹ پیٹ میک گریٹھ، ڈیزائنر مارک جیکبز، اداکارہ یارا شاہیدی اور فنکار کاز شامل ہیں۔