لاہور: گوگل نے پاکستان سمیت ایشیا پیسفک ممالک میں 18 سال یا اس سے زائد عمر کے طلبا کو مفت اے آئی پرو پلان دینے کا اعلان کر دیا۔
غیر ملکی خبر رساں ایجنسی کے مطابق گوگل طلبا کو اے آئی پرو پلان کی ایک سالہ بلامعاوضہ سبسکرپشن فراہم کرے گا۔ جس کا مقصد تعلیم، تحقیق اور تخلیقی صلاحیتوں کو فروغ دینا ہے۔
گوگل کے اس فیصلے سے طلبا کو جدید اے آئی ٹولز اور فیچرز تک رسائی حاصل ہو گی۔ جیمنائی 2.5 پرو ماڈل کے ذریعے ڈیپ ریسرچ اور جدید فیچرز بھی دستیاب ہوں گے۔
گوگل ایپس میں اے آئی معاونت، جی میل، ڈاکس، شیٹس، سلائیڈز اور میٹ میں سہولت دستیاب ہے۔ تاہم طلبا ای میلز کا خلاصہ، پریزنٹیشنز اور ڈیٹا تجزیہ زیادہ مؤثر طریقے سے کر سکیں گے۔
اعلامیہ کے مطابق نوٹ بُک ایل ایم سے ذاتی نوعیت کی تحقیق اور تحریر میں مدد ملے گی۔ جبکہ ویڈیو اور تصاویر سے تخلیقی مواد تیار کرنے کے جدید ٹولز تک رسائی ہو گی۔ جیمنائی میں Veo 3 اور Flow جیسے فیچرز شامل ہیں۔
یہ بھی پڑھیں: انسٹاگرام کا 25 تخلیقی صارفین کو ایوارڈ دینے کا اعلان
گوگل کے مطابق طلبا کو 2 ٹی بی کلاؤڈ اسٹوریج مفت فراہم کی جائے گی۔ اور فائلز، نوٹس، اور پراجیکٹس محفوظ رکھنے کے لیے وافر گنجائش دستیاب ہو گی۔