کیلیفورنیا: گوگل نے جی میل استعمال کرنے والے اینڈرائڈ صارفین کے لیے ایپلیکیشن میں دو بڑی اپ ڈیٹس متعارف کرا دیں۔ جن میں مارک ایز ریڈ فیچر اور میٹریل تھری ایکسپریسیو ری ڈیزائن شامل ہے۔
غیر ملکی خبر رساں ایجنسی کے مطابق جون میں جب جی میل صارفین کو پہلی بار میٹریل تھری ایکسپریسیو ڈیزائن انٹرفیس ملنا شروع ہوا۔ تو ان باکس میں ای میلز کی فہرست کو کنٹینرز میں رکھا گیا تھا۔ اور ساتھ ہی ایک نمایاں سوائپ ایکشن اینیمیشن بھی متعارف کروائی گئی تھی۔ تاہم یہ ڈیزائن چند صارفین کو ہی دستیاب ہوا تھا۔
اس اپ ڈیٹ کے تحت ہیمبرگر بٹن اور پروفائل سوئچر کو براؤزر سے ہٹا کر سرچ ویو کو بہتر بنایا گیا ہے۔ تاکہ صارفین کو زیادہ سہولت مل سکے۔ تاہم یہ نیا ڈیزائن ابھی تمام صارفین کے پاس دستیاب نہیں ہے۔
یہ بھی پڑھیں: یوٹیوب نے امریکہ میں نابالغ بچوں کی شناخت کیلئے اے آئی کا استعمال شروع کر دیا
گوگل کے مطابق یہ تبدیلی ”سرچ ویو کو کھولنے کے لیے ایک نمایاں داخلی نقطہ فراہم کرنے“ کے لیے کی گئی ہے۔ خاص طور پر جب سرچ کسی پروڈکٹ کی کلیدی خصوصیت ہو۔ یہ نیا سرچ ایپ بار گوگل کیپ میں بھی شامل کیا جا رہا ہے۔