کیلیفورنیا: گوگل نے جی میل صارفین کے لیے ای میل سے متعلق اہم فیچر متعارف کروا دیا۔
غیر ملکی خبر رساں ایجنسی کے مطابق گوگل نے اینڈرائیڈ فونز میں جیل میل نوٹیفکیشن کے لیے ایک بہترین آپشن کا اضافہ کیا۔ جو گوگل صارفین کے لیے مددگار ثابت ہو گا۔
ایسے کئی صارفین ہیں جن کے ان باکس میں ہزاروں ایسی میلز موجود ہوتی ہیں جو ان ریڈ (unread) ہوتی ہیں۔ مگر کمپنی نے اینڈرائیڈ صارفین کے لیے جی میل نوٹیفکیشنز میں مارک ایز ریڈ بٹن کا اضافہ کر دیا ہے۔ جس کی آزمائش کئی ماہ سے جاری تھی۔ لیکن اب جا کر اسے تمام صارفین کے لیے متعارف کرایا گیا ہے۔
ایک تحقیق میں بتایا گیا کہ ایک جی میل صارف کو اوسطاً روزانہ 10 سے 11 ای میلز موصول ہوتی ہیں۔ جو کہ بظاہر بہت زیادہ تعداد نہیں، مگر جب انہیں نظر انداز کیا جائے تو بتدریج ان ریڈ ای میلز کی تعداد بڑھتی چلی جاتی ہے۔ مارک ایز ریڈ بٹن ایسی ہی ای میلز کے لیے ہو گا۔
اس سے اینڈرائیڈ فونز پر جی میل استعمال کرنے والے افراد کو بہت زیادہ فائدہ ہو گا۔ اور صارفین کے لیے یہ تعین کرنا آسان ہو گا کہ کونسی ای میل کو اوپن کرکے مکمل پڑھنے کی ضرورت ہے اور کونسی پڑھے بغیر مارک ایز ریڈ کر دینی چاہیے۔
یہ بھی پڑھیں: ناسا کا 5 دہائیوں بعد انسان بردار خلائی مشن کو چاند کے مدار پر بھیجنے کا فیصلہ
نوٹیفکیشن میں ایسا کرنے سے صارفین کا کافی وقت بچے گا جو جی میل ایپ یا براؤزر پر اوپن کر کے ان ای میلز کو اوپن کرنے میں لگتا۔