محکمہ ایکسائز اینڈ ٹیکسیشن نے اسلام آباد میں رجسٹرد ان تمام گاڑیوں کی رجسٹریشن کو 10 اکتوبر تک منسوخ کرنے کا اعلان کیا ہے، جن کے ٹیکس ادا نہیں کئے گئے.
محکمہ کے مطابق 30 جون 2025 تک جن مالکان کے ٹیکس بقایا تھے، انہیں ریڈ نوٹس جاری کر دئے گئے ہیں، ان کی رجسٹریشن پہلے ہی معطل کی جا چکی ہے، اس لئے اگر مقررہ تاریخ تک واجبات ادا نہ کئے گئے تو ان کی گاڑیوں کی رجسٹریشن مستقل طور پر منسوخ کر دی جائے گی۔
محکمہ ایکسائز اینڈ ٹیکسیشن نے کہا کہ رجسٹریشن کی بحالی صرف واجبات اور بھاری جرمانے کی ادائیگی کے بعد ہی ممکن ہوگی، ٹیکس دہندگان کی سہولت کے لیے خصوصی کاؤنٹر قائم کیے گئے ہیں۔
روٹی اور نان کی قیمتیں مقرر کرنیکا نوٹیفکیشن چیلنج ،نان بائیوں کیخلاف تادیبی کارروائی سے روکدیا گیا
علاوہ ازیں اسلام آباد ٹریفک پولیس نے بھی 8 اکتوبر سے ڈرائیونگ لائسنس قوانین پر سختی سے عمل درآمد کرنے کا فیصلہ کیا ہے، بغیر لائسنس ڈرائیوروں کو گرفتار کرکے مقدمات درج ہوں گے اور گاڑیاں قبضے میں لے لی جائیں گی، یہ حکم نامہ سرکاری اور نجی دونوں ڈرائیوروں پر یکساں طور پر لاگو ہوگا۔
انسپکٹر جنرل پولیس علی ناصر رضوی نے افسران کو ہدایت دی ہے کہ کریک ڈاؤن پر مکمل عمل درآمد یقینی بنایا جائے، آئی جی نے کہا ہے کہ بغیر لائسنس ڈرائیور اور ان کی گاڑیاں دونوں پولیس کی تحویل میں لی جائیں گی۔