کیلیفورنیا: آرٹیفیشل انٹیلی جنس (اے آئی) نے چیٹ جی پی ٹی میں بچوں کی حفاظت کیلئے نیا نظام اور والدین کے کنٹرول متعارف کرا دیئے۔
غیر ملکی خبر رساں ایجنسی کے مطابق چیٹ جی پی ٹی میں ایک نیا حفاظتی نظام اور والدین کے لیے کنٹرولز متعارف کرائے گئے ہیں۔ جس کا مقصد نوجوانوں کو ذہنی دباؤ اور خودکشی جیسے خطرات سے بچانا ہے۔
نئے نظام میں چیٹ جی پی ٹی بات چیت کے دوران جذباتی حساسیت کو پہچان کر خودکار طور پر بات چیت کو جی پی ٹی فائیو ماڈل کی طرف منتقل کر دیتا ہے۔ جی پی ٹی فائیو ماڈل حساس سوالات کے محفوظ جوابات دے سکتا ہے۔
والدین کے لیے بھی خصوصی کنٹرولز شامل کیے گئے ہیں۔ اور اب والدین اپنے بچوں کے چیٹ جی پی ٹی اکاؤنٹ کو اپنے اکاؤنٹ سے جوڑ سکتے ہیں۔ اور دیکھ سکتے ہیں کہ بچے کس طرح بات چیت کر رہے ہیں۔
اگر کوئی حساس یا خطرناک بات چیت ہو تو والدین کو فوری نوٹیفکیشن ملے گا تاکہ وہ بروقت مداخلت کر سکیں۔
اوپن اے آئی نے اس نئے نظام کی آزمائش شروع کر دی ہے۔ اور اسے مزید بہتر بنانے کے لیے 120 دن کا وقت رکھا گیا ہے۔
کمپنی کے مطابق صارفین کی رائے کے مطابق اس نظام کو مزید بہتر کرنے کی کوشش کی جائے گی۔
واضح رہے کہ یہ اقدامات ایسے واقعات کے بعد اٹھایا گیا ہے۔ جن میں نوجوانوں نے چیٹ جی پی ٹی کے ساتھ گفتگو کے بعد خودکشی کرنے کی کوششیں کیں یا ذہنی دباؤ کا شکار ہوئے۔
یہ بھی پڑھیں: گلوبل وارمنگ ہر شخص کو 24 فیصد تک غریب کر سکتا ہے، ماہرین
یہی وجہ ہے کہ کمپنی چاہتی ہے کہ بچے یا نوجوان چیٹ جی پی ٹی کو استعمال کرنے میں محفوظ رہیں اور غیر مناسب مواد یا بات چیت سے بچیں۔