حکومت پاکستان نے پی ایم لیپ ٹاپ اسکیم 2025 پاکستان بھر کے کالج اور یونیورسٹی کے طلباء و طالبات کے لیے شروع کر دی ہے۔
حکام کے مطابق یہ اسکیم خاص طور پر ان ضرورت مند خاندانوں کے لیے ہے جو لیپ ٹاپ خریدنے کی مالی استطاعت نہیں رکھتے، حکومتی بیان کے مطابق اس اسکیم کا مقصد طلباء کو آن لائن کلاسز، فری لانسنگ اور تحقیق کرنے کی سہولت فراہم کرنا ہے۔
اسکیم میں درخواستیں جمع کروانے والے کئی طلباء اس بات سے بے خبر ہوتے ہیں کہ آیا ان کی درخواست منظور ہوئی ہے یا مسترد، اس مشکل کو آسان بنانے کے لیے حکومت نے آن لائن ویریفیکیشن سسٹم متعارف کرایا ہے، جس کے ذریعے چند کلکس میں ہی درخواست کا اسٹیٹس معلوم کیا جا سکتا ہے۔
خواتین اور طالبات کو مفت اسکوٹیز اسی ہفتے دینے کا اعلان
اسٹیٹس چیک کرنے کا طریقہ:
- پی ایم یوتھ پروگرام کی آفیشل ویب سائٹ پر جائیں۔
- اپنا قومی شناختی کارڈ (CNIC) نمبر درج کریں۔
- اپنی یونیورسٹی یا کالج کا انتخاب کریں۔
- سسٹم فوری طور پر آپ کی درخواست کا اسٹیٹس ظاہر کر دے گا کہ وہ منظور، زیرِ جائزہ یا مسترد ہے۔
درخواست کے لیے ضروری دستاویزات:
- درست شناختی کارڈ نمبر یا نادرا سے تصدیق شدہ بے فارم
- یونیورسٹی کا اسٹوڈنٹ آئی ڈی کارڈ یا انرولمنٹ کا ثبوت
- تازہ ترین تعلیمی ٹرانسکرپٹ
- یونیورسٹی کے ڈیٹا بیس میں اپ ڈیٹ شدہ ذاتی معلومات
امریکا کی نئی ایچ-1بی فیس بھارتی آئی ٹی کمپنیوں کے کام میں خلل ڈال سکتی ہے
اگرچہ کسی طالب علم کی درخواست منظور ہو جائے تب بھی لیپ ٹاپ ملنے میں تاخیر کا امکان رہتا ہے۔ حکام کے مطابق تاخیر کی بڑی وجوہات میں غلط معلومات فراہم کرنا شامل ہیں، جیسے غلط CNIC نمبر، غیر فعال موبائل نمبر یا ای میل، تعلیمی ریکارڈ اپ ڈیٹ نہ ہونا، یا ایک ہی شناختی کارڈ نمبر سے متعدد درخواستیں دینا۔
اگر کسی طالب علم کا نام لسٹ میں شامل نہ ہو تو وہ اپنی یونیورسٹی کے فوکل پرسن سے رابطہ کر سکتا ہے یا پھر پی ایم یوتھ پروگرام ہیلپ لائن کے ذریعے شکایت درج کروا سکتا ہے۔