اگر آپ بھی ان 3.5 ارب صارفین میں شامل ہیں جو ونڈوز، میک، لینکس یا اینڈرائیڈ پر گوگل کروم استعمال کرتے ہیں، تو محتاط ہو جائیں۔
گوگل نے ایک ہفتے میں دوسری بار ہنگامی سیکیورٹی اپ ڈیٹ جاری کی ہے تاکہ ایک سنگین خامی کو دور کیا جا سکے، جو صارفین کے سسٹمز کو ریموٹ کوڈ ایکزیکیوشن حملوں کے خطرے میں ڈال سکتی ہے۔
تازہ اپ ڈیٹ CVE-2025-12036 نامی خطرناک بگ کو نشانہ بناتی ہے جو کروم کے V8 جاوا اسکرپٹ انجن میں پایا گیا ہے۔ اس خامی کے ذریعے ہیکرز کسی متاثرہ ویب سائٹ پر وزٹ کرانے سے ہی سسٹم پر نقصان دہ کوڈ چلانے کے قابل ہو جاتے ہیں صارف کو کسی اضافی عمل کی ضرورت نہیں ہوتی۔
گوگل ٹیم کے رکن سرینواس سِستا کے مطابق یہ مسئلہ گوگل کے AI سیکیورٹی ٹول “Big Sleep” نے دریافت کیا۔ بگ کی مزید تفصیلات فی الحال ظاہر نہیں کیں تاکہ زیادہ سے زیادہ صارفین اپ ڈیٹ انسٹال کر سکیں۔
سام سنگ اور گوگل کا نیا ہیڈسیٹ، حقیقی اور ورچوئل دنیا کا جوڑ
یہ اپ ڈیٹ تمام پلیٹ فارمز پر جاری کی جا چکی ہے اور آئندہ چند دنوں میں صارفین تک پہنچ جائے گی۔
خود کو محفوظ رکھنے کا طریقہ
اپنے براؤزر کو محفوظ رکھنا آسان ہے:
ونڈوز اور میک صارفین کروم کو ورژن 141.0.7390.122 یا .123 تک اپ ڈیٹ کریں۔
لینکس اور اینڈرائیڈ صارفین کیلئے ورژن 141.0.7390.122 دستیاب ہے۔
عموماً کروم خودکار طور پر اپ ڈیٹ ہو جاتا ہے، لیکن آپ دستی طور پر بھی چیک کر سکتے ہیں۔ اس کے لیے Settings → About Google Chrome پر جائیں، جہاں براؤزر تازہ ترین ورژن خود انسٹال کر دے گا۔
یاد رکھیں، اپ ڈیٹ کے بعد کروم کو ری لانچ (دوبارہ کھولنا) ضروری ہے، ورنہ نیا سیکیورٹی پیچ فعال نہیں ہوگا۔ چونکہ اس خامی کا فائدہ اٹھانے والے حملے پہلے ہی شروع ہو چکے ہیں، اس لیے بہتر ہے کہ آپ جلد از جلد اپنا براؤزر اپ ڈیٹ کر لیں تاکہ آپ کا ڈیٹا اور ڈیوائس محفوظ رہیں۔