ایشیا کپ میں شرکت کے حوالے سے پاکستان کرکٹ بورڈ بدھ کو آج حتمی فیصلہ کرے گا۔ ترجمان پی سی بی کے مطابق اس معاملے پر مشاورت جاری ہے اور فیصلہ ملکی مفاد کو سامنے رکھتے ہوئے کیا جائے گا۔
ذرائع کا کہنا ہے کہ پاکستان کے میچز کے لیے متنازع ریفری اینڈی پائی کرافٹ کو ہٹانے پر اتفاق ہو گیا ہے اور ان کی جگہ رچی رچرڈسن کو تقرر کیے جانے کا امکان ہے۔
ادھر پاکستانی کھلاڑیوں نے گزشتہ شب آئی سی سی اکیڈمی گراؤنڈ میں تین گھنٹے تک بھرپور ٹریننگ سیشن کیا، تاہم پریس کانفرنس منسوخ کر دی گئی۔ اسی میدان میں بھارتی کرکٹرز نے بھی پریکٹس کی۔
معاملات طے پانے کی صورت میں پاکستان کو بدھ کے روز دبئی کرکٹ اسٹیڈیم پر یو اے ای سے مقابلہ کرنا ہے۔
فتح کی صورت میں سپرفور مرحلے میں رسائی مل جائے گی، پھر اتوار کو دوبارہ بھارت سے مقابلہ ہوگا۔