قومی ٹیم کے سابق فاسٹ بولر شعیب اختر نے ایشیا کپ سپر فور کے اہم میچ میں بھارت کے ہاتھوں پاکستانی ٹیم کی شکست پر ردعمل دیا ہے۔
قومی ٹیم کے سابق فاسٹ بولر شعیب اختر کا کہنا تھا کہ اگر پاکستان کل ایشیا کپ کے اہم میچ 200 رنز بھی بنا لیتا تب بھی ہمارے بولرز اس کا دفاع نہیں کر پاتے۔
اگر فہیم کو بولنگ کرنی تھی تو نئی گیند استعمال کرتے، اگر وہ صائم کی جگہ لے لیتے تو وہ زیادہ کارآمد ثابت ہوسکتے تھے۔
سابق فاسٹ بولر نے کہا کہ ابرار سے پہلے پارٹ ٹائم باؤلرصائم ایوب آ رہے ہیں۔ ابرارآپ کے مین باؤلر ہیں۔ آپ کی باؤلنگ لائن اپ اس قابل نہیں تھی، اگر ہم 200 رنز بھی بنالیتے تب بھی جیت بہت مشکل تھی۔
انہوں نے کہا کہ پاکستان کی باؤلنگ انتہائی خراب تھی، حارث رؤف نے حریف کے ایک بھی بلے باز کو آؤٹ نہیں کیا۔
بھارتی کرکٹر اپنی غلطیوں سے آؤٹ ہوئے۔ سوریا کمار یادیو نے غلط شاٹ کھیلا اور پاکستان وکٹ لینے میں کامیاب ہوا۔
سابق فاسٹ بولر نے کہا کہ ابھیشیک شرما اگر کچھ دیر اور کریز پر رہتے تو میچ پانچ اوور پہلے ہی فارغ ہوجاتا، ان کے آؤٹ ہونے کے باعث مقابلہ انیسویں اوور تک پہنچ گیا۔
سابق فاسٹ بولر نے کہا کہ سوچنے کی ضرورت ہے اس ٹیم کے پاس کے ایل راہل نہیں ہے۔
وہ ہمیشہ بولرز کو مارتا ہے، کے ایل راہل کو سنجو سیمسن کی بجائے ٹیم میں ہونا چاہیے تھا۔
سنجو سیمسن ٹیم انڈیا کی کمزور کڑی تھے۔ اسی وجہ سے میچ 19 ویں اوور تک پہنچ گیا۔