ریسلنگ فیڈریشن آف انڈیا نے جعلی برتھ سرٹیفکیٹ جمع کروانے کے سنگین الزامات پر کارروائی کرتے ہوئے 11 ریسلرز کو فوری طور پر معطل کر دیا۔
جسے ادارے نے شفافیت اور میرٹ کے اصولوں کو برقرار رکھنے کی جانب ایک اہم قدم قرار دیا ہے۔
بھارتی میڈیا کے مطابق ان ریسلرز کو برتھ سرٹیفکیٹ میں جعل سازی کرنے پر معطل کیا گیا ہے۔
کچھ کیسز میں پیدائش کے 12 سے 15 سال بعد برتھ سرٹیفکیٹ جاری کیے گئے۔
میونسپل کارپوریشن آف دہلی نے 95 ریسلرز کے برتھ سرٹیفکیٹ کی تصدیق کی جبکہ تصدیق میں 11 پہلوانوں کی عمر میں جعل سازی پکڑی گئی۔
جعلی برتھ سرٹیفکیٹ جمع کروانے پر 6 ریسلرز کو اب جبکہ باقی 5 کو پہلے معطل کیا جاچکا ہے۔
ریسلنگ فیڈریشن آف انڈیا کی جانب سے کہا گیا ہے کہ ہم ایک صاف شفاف سسٹم چاہتے ہیں۔