جنوبی افریقہ کی ٹیسٹ کرکٹ ٹیم پاکستان پہنچ گئی۔ مہمان ٹیم ایمریٹس کی پرواز کے ذریعے لاہور پہنچی، جہاں انہیں ایئرپورٹ سے سخت سیکیورٹی حصار میں پی سی ہوٹل منتقل کیا گیا۔
پاکستان اور جنوبی افریقہ کی ٹیمیں دو ٹیسٹ میچوں کی سیریز میں آمنے سامنے ہوں گی۔
پہلا ٹیسٹ 12 اکتوبر سے لاہور میں جبکہ دوسرا ٹیسٹ 20 اکتوبر سے راولپنڈی میں شروع ہوگا۔
پروٹیز ٹیسٹ اسکواڈ ائیڈن مارکرم کی قیادت میں لاہور پہنچی،سکواڈ میں کگیسو ربادہ، ویان ملڈر ، زبیر حمزہ ، ڈیوڈ بیڈنگھم، کاربن باسچ، سمیت دیگر کھلاڑی اور سپورٹنگ سٹاف شامل ہے۔