22 جولائی کو ہوم گراونڈ پر آخری میچ کھیلیں گے ، 15 سالہ کیریئر کا اختتام قریب ۔
ویسٹ انڈیز کے دھواں دھار آل راؤندر آندرے رسل نے انٹرنیشنل کرکٹ سے ریٹائرمنٹ کا اعلان کر دیا ہے ۔
وہ رواں ماہ آسٹریلیا کے خلاف جاری پانچ میچوں کی ٹی ٹوئنٹی سیریز میں دو میچ کھیل کر بین الاقوامی کرکٹ کو الوداع کہہ دیں گے۔
آسٹریلیا اور ویسٹ انڈیز کے درمیان ٹی ٹوئنٹی سیریز 20 سے 28 جولائی تک کھیلی جائے گی۔آندرے رسل اپنے ہوم گراؤنڈ جمیکا کے سبینا پارک میں 22 جولائی کو اپنا آخری انٹرنیشنل میچ کھیلیں گے۔
ویسٹ انڈیز کرکٹ بورڈ نے رسل کی خدمات پر خراج تحسین پیش کرتے ہوئے کہا: 15 سالوں تک آپ نےجذبے اور فخر کے ساتھ ویسٹ کی نمائندگی کی۔آپ کا شکریہ !
رسل نے ویسٹ انڈیز کی جانب سے ایک ٹیسٹ، 56 ون ڈے اور 84 ٹی ٹوئنٹی میچز کھیلے۔ وہ 2012 اور 2016 میں ٹی ٹوئنٹی ورلڈ کپ جیتنے والی ویسٹ انڈین ٹیم کا بھی حصہ رہے۔
37 سالہ رسل نے 2019 کے بعد سے صرف ٹی ٹوئنٹی فارمیٹ ہی کھیلا اور اب 2026 کے ٹی ٹوئنٹی ورلڈ کپ سے ایک سال قبل انٹرنیشنل کرکٹ سے ریٹائر ہورہے ہیں۔