پاکستانی کوہ پیما اسد علی میمن نے ساتوں براعظموں کی بلند ترین چوٹیاں سر کر کے ایک تاریخی کارنامہ انجام دے دیا۔ انہوں نے “سیون سمٹ” کے سفر کا آخری مرحلہ انڈونیشیا میں اوشیانا کی بلند ترین چوٹی پونچک جایا سر کر کے مکمل کیا۔
اسد علی میمن نے 2019 میں یورپ کی ماؤنٹ البرس، 2020 میں جنوبی امریکہ کی اکونکاگوا، 2021 میں افریقہ کی کیلیمنجرو اور 2022 میں شمالی امریکہ کی ماؤنٹ دینالی سر کی تھی۔
اس کے علاوہ 2023 میں اسد علی میمن نے ایشیا اور دنیا کی بلند ترین چوٹی ماؤنٹ ایورسٹ کو سر کیا۔ اس سال کے آغاز میں انہوں نے انٹارٹیکا کی ماؤنٹ ونسن کو بھی سر کیا تھا۔