پٹرولیم مصنوعات کی قیمتوں میں حالیہ اضافہ لاہور ہائی کورٹ میں چیلنج کر دیا گیا۔
جوڈیشل ایکٹیوزم پینل کی جانب سے متفرق درخواست لاہور ہائی کورٹ میں دائر کی گئی جس میں وفاقی حکومت، اوگرا سمیت دیگر کو فریق بنایا گیا ہے۔
درخواست میں کہا گیا کہ وفاقی حکومت کی جانب سے پٹرولیم مصنوعات کی قیمتوں میں اضافہ غیر قانونی ہے۔
ہائی کورٹ میں دائر درخواست میں استدعا کی گئی کہ حکومت کی جانب سے پٹرولیم مصنوعات میں کیا گیا حالیہ اضافہ کالعدم قرار دیا جائے۔
یاد رہے حکومت نے پٹرولیم مصنوعات کی قیمتوں میں اضافہ کردیا تھا ، پیٹرول4 روپے 7 پیسے فی لیٹر مہنگا، ڈیزل چار روپے چار پیسے فی لیٹر مہنگا کیا گیا۔
جس کے بعد پیٹرول کی نئی قیمت دوسو اڑسٹھ روپے اڑسٹھ پیسے فی لیٹر اور ڈیزل کی نئی قیمت دوسو چہتر روپے اکیاسی پیسے فی لیٹر مقرر کردی گئی تھی۔
پیٹرول اورڈیزل کی فی لٹر اصل قیمت کتنی اورٹیکس کتنا؟