اسلام آباد: وزیر خارجہ اسحاق ڈار نے کہا ہے کہ پاکستان اور ہنگری کے درمیان ڈپلومیٹک پاسپورٹ ویزا مفت کرنے کا معاہدہ ہوا۔
پاکستان اور ہنگری کے درمیان مفاہمتی یادداشتوں پر دستخط کی تقریب ہوئی۔ وزیر خارجہ اسحاق ڈار اور ہنگری ہم منصب نے دستخط کیے۔ پاکستان اور ہنگری کے درمیان ویزا فری ڈپلومیٹک پاسپورٹ کے شعبے میں ایم او یو پر دستخط کیے گئے۔
دونوں ملکوں کے درمیان آثار قیدیمہ اور ثقافتی ورثے کے شعبے میں بھی ایم او یو پر دستخط کیے گئے۔
وزیر خارجہ اسحاق ڈار نے کہا کہ پاکستان اور ہنگری کے درمیان ثقافتی تعاون فروغ پا رہا ہے۔ اور دونوں ممالک کے درمیان سفارتی تعلقات مضبوط ہو رہے ہیں۔ پاکستان اور ہنگری کے درمیان مشترکہ کمیشن کا تیسرا اجلاس اہمیت کا حامل ہے۔
انہوں نے کہا کہ ہنگری کے سرمایہ کاروں کے لیے پاکستان میں وسیع مواقع موجود ہیں۔ اور جی ایس پی پلس کے لیے حمایت کرنے پر ہنگری کے شکر گزار ہیں۔ پاکستان اور ہنگری کے درمیان ڈپلومیٹک پاسپورٹ ویزا مفت کرنے کا معاہدہ ہوا ہے۔
اسحاق ڈار نے کہا کہ ملاقات میں یوکرین سمیت مختلف معاملات پر گفتگو بھی کی گئی۔
یہ بھی پڑھیں: دہشتگردوں کیخلاف بات کرنے پر علی امین گنڈاپور کی ٹانگیں کانپتی ہیں، وفاقی وزیر اطلاعات
اس موقع پر ہنگری کے وزیر خارجہ پیٹر سیزارٹو نے کہا کہ بہترین میزبانی پر پاکستان کے شکرگزار ہیں۔ عالمی سیاسی امور پر دونوں ممالک کا مؤقف ایک ہے۔ اور دونوں ممالک کے درمیان سفارتی تعلقات مضبوط ہو رہے ہیں۔ پاکستان اور ہنگری کے درمیان بہترین تعلقات پائے جاتے ہیں۔
انہوں نے کہا کہ پاکستان کے ساتھ مزید مضبوط تعلقات کے خواہاں ہیں۔ ملاقات کے دوران غیر قانونی مقیم افراد کے معاملے پر گفتگو ہوئی۔ جبکہ ثقافت کے شعبوں میں ایک دوسرے کے تجربات سے فائدہ اٹھائیں گے۔
پیٹر سیزارٹو نے کہا کہ افغان سرزمین سے دہشت گردی کے فروغ پر تشویش ہے۔ جبکہ یوکرین جنگ کا بات چیت کے ذریعے خاتمہ چاہتے ہیں۔ پاکستان میں سرمایہ کاری کے لیے ماحول سازگار ہے۔ اور جی ایس پی پلس کےلیے پاکستان کی حمایت جاری رکھیں گے۔
انہوں نے کہا کہ پاکستان کو قابل اعتماد اتحادی سمجھتے ہیں۔ ہنگری کی کمپنیاں پاکستان میں سرمایہ کاری کرنا چاہتی ہیں۔ اور ہنگری پاکستان کو جدیدی ٹیکنالوجی کی فراہمی کے لیے تیار ہے۔