عدالت نے 9 مئی سمیت دیگر 5 مقدمات میں عمران خان اور بشریٰ بی بی کی گرفتاری روک دی۔
ڈسٹرکٹ اینڈ سیشن کورٹس اسلام آباد میں بانی پی ٹی آئی کے خلاف 9 مئی ودیگر 5 کیسز کی سماعت ہوئی۔
پاکستان کے مطالبات پر افغان طالبان کا غیر حوصلہ افزا جواب ، استنبول مذاکرات تعطل کا شکار
ایڈیشنل ڈسٹرکٹ اینڈ سیشن جج محمد افضل مجوکہ نے کیس کی سماعت کی، عدالت نے 9 مئی سمیت دیگر 5 مقدمات میں بانی پی ٹی آئی کی گرفتاری سے روک دیا۔
عدالت نے 25 نومبر تک متعلقہ مقدمات میں بانی پی ٹی آئی اور ان کی اہلیہ بشریٰ بی بی کی گرفتاری سے روک دیا ہے۔عدالت نے بانی پی ٹی آئی اور بشری بی بی کی ضمانت قبل از گرفتاری میں توسیع کردی ہے۔
عدالت نے اگلی سماعت میں بانی پی ٹی آئی کو عدالت میں یا بذریعہ ویڈیو لنک پیش کرنے کی ہدایت کی ہے، اڈیالہ جیل حکام کی جانب سے شوکاز نوٹس کا جواب بھی نہیں دیا گیا،عدالت نے ضمانت کی درخواستوں پر سماعت 25 نومبر تک ملتوی کردی۔
پاسپورٹ میں کیا تبدیلیاں ہونے جا رہی ہیں؟ ترجمان نے بتا دیا
بانی پی ٹی آئی عمران خان اور بشری بی بی کی جانب سے شمسہ کیانی ایڈووکیٹ عدالت میں پیش ہوئیں، بانی پی ٹی آئی کے خلاف 9 مئی، اقدام قتل، جعلی رسیدوں سمیت دیگر مقدمات درج ہیں جبکہ بشریٰ بی بی کیخلاف مبینہ جعلی رسیدیں جمع کروانے پر مقدمہ درج ہے۔