عالمی بینک پاکستان کو رواں مالی سال مختلف منصوبوں کے لیے 2 ارب ڈالر سے زائد قرض دے گا۔
اقتصادی امور ڈویژن کے مطابق قرض انٹرنیشنل ڈویلپمنٹ ایسوسی ایشن اور انٹرنیشنل بینک فار ری کنسٹرکشن کے ذریعے دیا جائے گا۔
دستاویز کے مطابق پاکستان میں عالمی بینک کی فنڈنگ کے ذریعے 57 مختلف منصوبوں پر کام جاری ہے، جن کی مجموعی لاگت 16.6 ارب ڈالر ہے۔
ایشیائی بینک کا پاکستان کیلئے 33 کروڑ ڈالر کی اضافی امداد کا اعلان
اقتصادی امور ڈویژن کا کہنا ہے کہ منصوبوں کا تعلق زراعت ، پانی، توانائی، فنانس، ریونیو ، مواصلات ، دیہی و شہری ترقی، ہیومین کیپٹل، سوشل سروسز اور گورننس سے ہے۔
عالمی بینک گزشتہ سات سال میں پاکستان کو 11 ارب 84 کروڑ ڈالر فراہم کر چکا ہے، جن میں سب سے زیادہ 1.96 ارب ڈالر توانائی کے شعبے کے لیے دیئے گئے ۔ مالی سال 25-2024ء میں 1 ارب 80 کروڑ ڈالر قرضہ دیا گیا۔
آئی ایم ایف سے 13 لاکھ ڈالرز ملنے کے امکان ہیں، وزیر خزانہ
حکام کے مطابق عالمی بینک آنے والے برسوں میں مختلف ترقیاتی منصوبوں کے لیے مزید فنڈز بھی جاری کرے گا۔