سوئی ناردرن گیس پائپ لائنز لمیٹڈ نے نئے گھریلو کنکشن کیلئے درخواستیں وصول کرنا شروع کر دی ہیں۔
ایس این جی پی ایل کی ویب سائٹ پر کہا گیا ہے کہ ان درخواست دہندگان کو ترجیح دی جائے گی جنہوں نے پابندی کے نفاذ سے پہلے ہی فوری فیس یا ڈیمانڈ نوٹس جمع کرا دیا تھا۔
سوئی ناردرن گیس کا کہنا ہے کہ درخواست دہندگان آر ایل این جی معاہدے پر دستخط کرنے اور سیکیورٹی کے فرق کی ادائیگی کے ذریعے کنکشن حاصل کر سکیں گے۔
جن افراد نے پہلے ہی سسٹم گیس کنکشن کے خلاف درخواستیں جمع کرائی ہیں، وہ عام یا فاسٹ ٹریک میرٹ پر نئی آر ایل این جی پر مبنی درخواست جمع کرانے کا اختیار حاصل کر سکتے ہیں۔
فاسٹ ٹریک درخواست کی فیس 25 ہزار روپے رکھی گئی ہے۔نئے آر ایل این جی پر مبنی گیس کنکشن کے چارجز یہ ہے، سیکیورٹی (قابل واپسی) 20 ہزار روپے رکھی گئی ہے۔
دس مرلہ تک کے گھر کے لئے سروس لائن کی لاگت 15 سو روپے اور 10 مرلہ سے زائد کے گھر کے لیے 3 ہزار روپے رکھی گئی ہے۔ درخواستیں جمع کروانے کی کوئی فیس نہیں ہے۔
پنجاب کے پبلک اور پرائیویٹ میڈیکل اینڈ ڈینٹل کالجز کیلئے ایڈمشن پالیسی کی منظوری
سوئی ناردرن گیس پائپ لائنز لمیٹڈ کے مطابق درآمدی آر ایل این جی کنکشن کا ٹیرف روایتی گھریلو گیس کے نرخوں کے مقابلے میں 70 فیصد زیادہ ہو گا۔