آرمی چیف جنرل سید عاصم منیر کا کہنا ہے کہ جو پاکستان کے ڈیفالٹ کا بیانیہ بنا رہے تھے وہ آج کہاں ہیں؟
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل سید عاصم منیر نے یوتھ کنونشن سے خطاب کے دوران کہا کہ آپ کی آنکھوں کی چمک دیکھ کر یقین ہو ا پاکستان کا مستقبل محفوظ ہاتھوں میں ہے۔
آرمی چیف جنرل سید عاصم منیر نے کہا کہ آزاد ریاست کی اہمیت لیبیا، شام، مقبوضہ کشمیر اور غزہ کے عوام سے پوچھیں، علم انسان کو دوسروں سے ممتاز کرتا ہے۔
انہوں نے کہا کہ عوام کو سوشل میڈیا سے پیدا شدہ ہیجان اور فتنےسے دور رکھنا ریاست کی ذمہ داری ہے،عوام، حکومت اور فوج کے درمیان مضبوط رشتہ ہی پاکستان کے تحفظ اور ترقی کا ضامن ہے، جو پاکستان کے ڈیفالٹ کا بیانیہ بنا رہے تھے وہ آج کہاں ہیں؟ بحیثیت مسلمان ہمیں نا امیدی سے منع کیا گیا ہے۔
مسجد نبویؐ کے امام صلاح بن محمد البدیرکا دورہ پاکستانی عوام کے لیے اعزاز کی بات ہے، آرمی چیف
ان کا کہنا تھا کہ زندگی امتحان کا نام ہے، پاکستان کا سب سے بڑا اور قیمتی سرمایہ ہمارے نوجوان ہیں، ہم کسی صورت نوجوانوں کو ضائع نہیں ہونے دیں گے۔
نوجوانوں سے خطاب کے دوران آرمی چیف جنرل سید عاصم منیر نے قرآن کی آیت بھی پڑھی۔
انہوں نے کہا کہ قبائل مل بیٹھ کر زمینی اور فروعی تنازعات ختم کرنے میں مدد دیں،خیبر پختونخوا کے عوام پاک فوج کیساتھ دہشتگردی کیخلاف سیسہ پلائی دیوار کی مانند کھڑے رہے،میرا یہ ایمان ہے کہ اللہ تعالیٰ ہمیں دہشتگردی کے خلاف فتح مبین عطا کرے گا۔
خطاب کے اختتام پر آرمی چیف جنرل سید عاصم منیر نے نوجوانوں کو علامہ اقبال کا شعر سنایا۔