تحریک انصاف خیبر پختونخوا کے صدر جنید اکبر نے کہا ہے کہ صوابی جلسہ کامیاب تھا، ہمیں جلسے کے نمبر گنوانے کی ضرورت نہیں، سب کو معلوم ہے کتنے لوگ تھے۔
پشاور ہائیکورٹ میں میڈیا سے بات چیت کرتے ہوئے جنید اکبر نے کہا کہ تحریک انصاف میں گروپ بندی کی کوئی گنجائش نہیں ، لیڈر صرف بانی پی ٹی آئی ہیں، پارٹی میں رہننے کیلئے محنت کرنا ہو گی۔
سیاسی جماعتوں کا اتحاد بننے جارہا ہے، شبلی فراز کا دعویٰ
ان کا کہنا تھا کہ شکیل خان ایماندار شخص ہے، ان کے ساتھ اب بھی کھڑا ہوں، شکیل خان کے حق کے لیے بولوں گا کسی کو اچھا لگے یا برا۔
صحافی کے اس سوال کہ اراکین اسمبلی کو جلسے کیلیے فنڈز فراہم نہیں کیے گئے؟ پر جنید اکبر نے کہا کہ اگر کسی نے فنڈز نہ ملنے کا کہا ہے تو وہ سیاست چھوڑ کر دکان کھول لے، پیسوں سے سیاست کرنے والے لوگ پارٹی کے نام پر دھبہ ہوں گے۔