جنوبی وزیرستان میں سیکیورٹی چیک پوسٹ پر خوارج نے حملے کی کوشش کی جسے ناکام بنا دیا گیا۔ سیکیورٹی فورسز کی کارروائی کے دوران 8 خارجی ہلاک ہوگئے جب کہ پاک فوج کے 16 جوان حملے میں شہید ہو گئے۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے دہشت گردوں کا حملہ موثر طریقے سے ناکام بنایا۔سیکیورٹی فورسز کی کارروائی کے نتیجے میں 8 خارجی دہشت گرد جہنم واصل ہو گئے۔
آئی ایس پی آر کے مطابق خارجیوں سے شدید جھڑپ کے دوران دھرتی کے 16 بہادر سپوتوں نے جام شہادت نوش کیا۔
پوری قوم کو پاک فوج کے شہدا اور ان کے اہلخانہ پر فخر ہے، وزیر اعظم
آئی ایس پی آر کا کہنا ہے کہ علاقے میں ممکنہ خوارجیوں کےخاتمے کےلیے کلیئرنس آپریشن جاری ہے۔سیکیورٹی فورسزدہشتگردی کےخاتمے کےلیے پرعزم ہیں۔
انہوں نے بتایا کہ بہادرجوانوں کی یہ قربانیاں ہمارے عزم کومزید تقویت دیتی ہیں۔