وفاقی ملازمین کی ماہانہ رینٹل سیلنگ میں بڑے اضافے کی تجویز دے دی گئی ہے۔
موقر قومی اخبار کی رپورٹ کے مطابق فنانس ڈویژن کی جانب سے تمام کیٹیگری کے ملازمین کیلئے ماہانہ رینٹل سیلنگ میں 85فی صد یکساں اضافہ کرنے کی رائے دی گئی ہے۔
وزارت ہا ؤسنگ و تعمیرات نے ملازمین کی 4 کیٹیگریز کے لئے 60 سے100 فی صد اضافے کی تجویز دی ہے جس کی وہ سمری کا بینہ کو بھجوائے گی، فنا نس ڈویژن نے وزارت ہا ؤسنگ و تعمیرات کو تحر یری طور پر اپنی رائے سے آ گاہ کردیا ہے۔
سرکاری اسکیم کے تحت دوسری قسط بروقت جمع نہ کروانے پر حج درخواست منسوخ تصور ہو گی
واضح رہے کہ وزارت ہا ؤسنگ و تعمیرات کی جانب سے گریڈ ایک سے دس تک کے ملازمین کی رینٹل سیلنگ میں 100 فی صد اضافے کی تجویز دی گئی ہے۔ اسی طرح سکیل گیارہ سے سولہ تک کے ملازمین کی سیلنگ میں 75فی صداضافے کی تجویز ہے۔
وزارت ہاؤسنگ و تعمیرات کی جانب سے گریڈ سترہ سے انیس تک کے افسروں کی سیلنگ میں 65فی صد اور گریڈ20 سے22تک کے افسروں کی سیلنگ میں 60فی صد اضافے کی تجویز دی گئی تھی۔
لاکھوں وفاقی ملازمین کا رینٹل سیلنگ کا معاملہ کئی ماہ سے لٹکا ہوا ہے، رپورٹ کے مطابق اس کے لئے تین مرتبہ مارکیٹ سروے کرائے جا چکے ہیں، پہلا سروے اسٹیٹ آفس، دوسرا پی ڈبلیو ڈی اور تیسرا پاکستان بیورو برائے شماریات کی جانب سے کیا گیاتھا۔