اسلام آباد: نے نظیر انکم سپورٹ پروگرام میں ایک ہی بچے کے لیے دو ماؤں کو ادائیگی کے 2 ہزار سے زائد کیسز رپورٹ ہوئے۔
پارلیمنٹ کی پبلک اکاؤنٹس کمیٹی (پی اے سی) کا اجلاس جنید اکبر خان کی زیرصدارت ہوا۔ پی اے سی اجلاس میں ایک بچے کے لیے 2 ماؤں کو ادائیگیوں کے آڈٹ اعتراض کا جائزہ لیا گیا۔
آڈٹ بریفنگ میں بتایا گیا کہ ایک ہی بچے کے لیے 2 ماؤں کو ادائیگی کے 2 ہزار 312 کیسز رپورٹ ہوئے۔ اور اس مد میں بے نظیر انکم سپورٹ پروگرام کے تحت ایک کروڑ 40 لاکھ روپے کی ادائیگی کی گئی۔
آڈیٹر جنرل پاکستان کے مطابق یہ رقوم بچوں کو تعلیمی وظائف کے تحت نقد کی صورت میں دی گئیں۔
یہ بھی پڑھیں: پاکستان کی مختلف وزارتوں کی ویب سائٹس پر بھارتی ہیکرز کے حملے ناکام
بریفنگ میں بتایا گیا کہ ایک ہی بچے کے بے فارم کے ساتھ مختلف ماؤں کو منسلک کیا گیا۔ اور آڈٹ کی نظر میں فنڈز کی ادائیگی مشکوک اور بے ضابطہ تھی۔ پبلک اکاؤنٹس کمیٹی نے دوبارہ ڈی اے سی میں معاملہ نمٹانے کی ہدایت کر دی۔