بیرسٹر گوہر نےقومی اسمبلی کی تمام قائمہ کمیٹیوں سے استعفی دیدیا ہے۔
چیئرمین پی ٹی آئی (PTI)بیرسٹر گوہر نے پارٹی کے 18 اراکین کے قائمہ کمیٹیوں سے استعفے جمع کرائے.
کراچی سے لاہور جانے والی مال بردار ٹرین پٹری سے اتر گئی
ترجمان قومی اسمبلی کا کہنا ہے کہ استعفے قومی اسمبلی سیکریٹریٹ میں جمع کرا دیے گئے ہیں، اسپیکر قومی اسمبلی اپنے اختیار کے مطابق استعفوں پر غور کریں گے۔
یاد رہے گزشتہ روز جنیداکبر نے چیئرمین پبلک اکاؤنٹس کمیٹی (PAC)کے عہدے سے استعفیٰ دے دیا تھا۔جنید اکبر نے چیئرمین پی اے سی کے عہدے سے استعفیٰ چیف وہپ عامر ڈوگر کو بھجوا دیا۔
قبل ازیں وزیراعلیٰ خیبر پختونخوا علی امین گنڈا پور کے بھائی اور رکن قومی اسمبلی فیصل امین گنڈا پور نے بھی قومی اسمبلی کی تین قائمہ کمیٹیوں کی رکنیت سے استعفیٰ دے دیا تھا۔
کریڈٹ کارڈز کے ذریعے خریداری اور ادائیگیوں میں نمایاں اضافہ
فیصل امین گنڈا پور نے اپنا استعفیٰ اسپیکرقومی اسمبلی کوارسال کر دیا ہے جس میں انہوں نے واضح کیا کہ یہ فیصلہ بانی پاکستان تحریک انصاف کی ہدایت پرکیا گیا ہے۔