محکمہ موسمیات نے بلوچستان کے مختلف علاقوں میں ہیٹ ویو الرٹ جاری کر دیا ہے۔
محکمہ موسمیات کے مطابق بلوچستان کے متعدد اضلاع میں رواں ہفتے درجہ حرارت میں نمایاں اضافہ ہو گا، رواں ہفتے کے آخر تک گرمی کی شدت میں مزید اضافہ ہو گا۔
سبی، نصیر آباد، جعفر آباد، جھل مگسی، صحبت پور اور اوستہ محمد شدید گرمی کی لپیٹ میں رہیں گے، کچھی، ہرنائی، لسبیلہ، حب، خاران، پنجگور، کیچ، چاغی اور واشک بھی شدید گرمی کی زد میں رہیں گے۔
ملک کے مختلف علاقوں میں شدید گرمی، چند مقامات پر گرج چمک کے ساتھ بارش کی پیشگوئی
خضدار، سوراب، مستونگ، کوئٹہ، نوشکی اور ژوب میں درجہ حرارت معمول سے زیادہ رہے گا، رواں ہفتے کوئٹہ ڈویژن میں گردآلود ہوائیں چلنے کا امکان ہے۔
پی ڈی ایم اے نے کہا ہے کہ عوام، خاص طور پر بچے، بزرگ شہری اور خواتین احتیاطی تدابیر اختیار کریں۔