اسلام آباد: افغان طالبان حکومت کے ترجمان کا پاک فوج کے ٹینکوں پر قبضے کا جھوٹا دعویٰ بے نقاب ہو گیا۔
سیکیورٹی ذرائع کے مطابق پاک فوج کی سخت اور شدید جوابی کارروائی سے افغان طالبان بوکھلاہٹ کا شکار ہوگئی۔ اور افغان طالبان بھاری جانی و مالی نقصان اٹھانے کے بعد جھوٹے پراپیگنڈے کا سہارا لینے پر مجبور ہو گئے۔
ترجمان افغان طالبان کی سوشل میڈیا پر پروپیگنڈا پوسٹ شیئر کر کے جھوٹ پھیلانے کی ناکام کوشش کر رہے ہیں۔
سیکیورٹی ذرائع کے مطابق ویڈیو میں تاثر دینے کی کوشش کی گئی کہ ٹی 55 ٹینک پاکستانی فوج سے چھینا گیا ہے۔ جبکہ روسی ساختہ ٹی 55 ٹینک حقیقت میں افغان طالبان کے زیر استعمال ہے۔
پاکستان کی مسلح افواج نے افغان طالبان کے حملے کو مؤثر طریقے سے پسپا کر دیا تھا۔
یہ بھی پڑھیں: افغان مہاجرین کو7 دن میں گھر اور دکانیں خالی کرنے کا حکم
پاک فوج افغان طالبان کے جھوٹے پروپیگنڈا کے باوجود عزم و حوصلے کے ساتھ دفاع وطن میں مصروف ہے۔