نائب وزیراعظم و وزیر خارجہ اسحق ڈار نے کہا ہے کہ افغان سرزمین سے پاکستان کیخلاف دہشتگردی کے سدباب کے لیے اقدامات ضروری ہیں۔
دوحہ میں طے پانے والے معاہدے کا خیر مقدم کرتے ہوئے ایکس پر اسحق ڈار نے لکھا کہ یہ صحیح سمت میں پہلا قدم ہے۔ برادر ملک قطر اور ترکیہ کے تعمیری کردار کو سراہتے ہیں۔
انہوں نے مزید کہا کہ ہم ایک ٹھوس اور قابل تصدیق نگرانی کے طریقہ کار کے قیام کے منتظر ہیں، جس کی میزبانی ترکیہ کی طرف سے کی جانے والی اگلی میٹنگ میں کی جائے گی۔
جنگ بندی معاہدہ ہو گیا ، پاکستان اور افغانستان ایکدوسرے کی سرزمین کا احترام کرینگے ، وزیر دفاع
اسحاق ڈار نے یہ بھی لکھا کہ نگرانی کا طریقہ کار ضروری ہے تاکہ افغان سرزمین سے پاکستان کی طرف اٹھنے والی دہشتگردی کے خطرے سے نمٹا جا سکے، مزید جانوں کے ضیاع کو روکنے کے لیے تمام کوششیں بروئے کار لانا ضروری ہے۔
Welcome the Agreement finalized late last night in Doha. It is the first step in the right direction.
Deeply appreciate the constructive role played by brotherly Qatar and Turkiye.
We look forward to the establishment of a concrete and verifiable monitoring mechanism, in the…
— Ishaq Dar (@MIshaqDar50) October 19, 2025
یاد رہے کہ قطر کی میزبانی اور ترکیہ کی ثالثی میں دوحہ میں پاکستان اور افغانستان کے درمیان 13 گھنٹے طویل مذاکرات ہوئے ہیں جس میں جنگ بندی معاہدہ طے پایا ہے۔