پاکستان کے خلائی اور بالا فضائی تحقیقاتی ادارے اسپارکو کے مطابق 7 اکتوبر 2025 کو سال کا پہلا سپرمون (Supermoon) آسمان پر دکھائی دے گا، جو عام چاند سے زیادہ بڑا اور روشن ہوگا۔
ترجمان اسپارکو کے مطابق یہ سپرمون منگل کی رات 8 بجکر 47 منٹ پر ظاہر ہوگا اور سورج غروب ہونے کے فوراً بعد مشرق کی سمت سے طلوع ہوگا۔
یہ خوبصورت نظارہ طلوع آفتاب سے پہلے مغرب میں غروب ہو جائے گا۔
ماہرین کے مطابق اکتوبر کا سپرمون عام چاند سے 6.6 فیصد بڑا اور 13 فیصد زیادہ روشن ہوگا، جسے کھلی فضا میں با آسانی دیکھا جا سکے گا۔
ملک بھر میں 2024 کے آخری سپرمون کا نظارہ
اسپارکو کا کہنا ہے کہ سال 2025 میں مجموعی طور پر 3 سپرمون نظر آئیں گے۔
پہلا سپرمون 7 اکتوبر کو، دوسرا 5 نومبر کو اور تیسرا 5 دسمبر کو دیکھا جا سکے گا۔
ان میں سے نومبر کا سپرمون سب سے زیادہ روشن ہونے کی توقع ہے۔
سپرمون دراصل وہ موقع ہوتا ہے جب چاند زمین کے زیادہ قریب آتا ہے، جس کی وجہ سے وہ معمول سے بڑا اور روشن نظر آتا ہے۔
سیٹلائٹ لانچ پاکستان کی قابلیت کا منہ بولتا ثبوت ہے، ڈی جی اسپارکو
ماہرین فلکیات نے شہریوں کو مشورہ دیا ہے کہ وہ اس نایاب فلکی منظر سے لطف اندوز ہونے کے لیے کھلے آسمان تلے چاند کی خوبصورتی کو ضرور دیکھیں۔