آزاد جموں و کشمیر اور گلگت بلتستان میں ہیلتھ انشورنس سروس بند ہونے کا انکشاف ہوا ہے۔
وفاقی وزیر تجارت جام کمال نے سروس کی بندش سے متعلق قومی اسمبلی کومطلع کرتے ہوئے کہا کہ اسٹیٹ لائف انشورنس پنجاب کے 3 کروڑ 30 لاکھ، خیبرپختونخوا میں ایک کروڑ اور بلوچستان میں 2 کروڑ 40 لاکھ خاندانوں کو سہولت فراہم کررہا ہے۔
گلگت بلتستان میں وائلڈ پولیو وائرس کی تصدیق
انہوں نے کہا کہ وفاقی حکومت نے آزاد جموں و کشمیر اور گلگت بلتستان میں ہیلتھ انشورنس سروس کی فنڈنگ روک دی ہے، جس کی وجہ سے اسٹیٹ لائف انشورنس دونوں علاقہ جات میں ہیلتھ انشورنس فراہم نہیں کر رہی ہے۔