کوہاٹ کے علاقے ریگی شینوخیل میں نامعلوم افراد کی اندھا دھند فائرنگ سے 7 افراد جاں بحق اور ایک شدید زخمی ہو گیا۔
پولیس کے مطابق مقتولین تاندہ ڈیم پر پکنک منانے کے بعد واپس آ رہے تھے کہ راستے میں گھات لگائے حملہ آوروں نے ان پر فائرنگ کردی، واقعہ رات کو پیش آیا جس کے بعد علاقے میں خوف و ہراس پھیل گیا۔
پنجاب بھر کی جیلوں میں خطرناک قیدیوں کی وی وی آئی پی ملاقاتوں پر پابندی عائد
پولیس نے جائے وقوعہ پر پہنچ کر شواہد اکھٹے کیے اور لاشوں کو پوسٹ مارٹم کے لیے اسپتال منتقل کر دیا زخمی شخص کو تشویشناک حالت میں قریبی اسپتال منتقل کیا گیا ہے۔
پولیس کا کہنا ہے کہ واقعے کی تفتیش شروع کر دی گئی ہے، حملہ آوروں کی تلاش جاری ہے۔ ابتدائی طور پر واقعہ دشمنی کا شاخسانہ لگتا ہے۔