ضلع کرم میں کوئلے کی کان بیٹھنے کے نتیجے میں میں دب کر 6 کان کن جاں بحق ہو گئے۔
مرنے والے مزدوروں میں سے پانچ کا تعلق ضلع شانگلہ کی تحصیل پورن سے ہے جبکہ ایک مزدور کا تعلق ضلع سوات سے بتایا جا رہا ہے، جاں بحق ہونے والوں میں تاج اللہ، زیور الرحمن، شوکت، ناز اللہ، جان محمد شامل ہیں۔
کان بیٹھنے کا واقعہ یاستہ طورہ واڑی میں اس وقت پیش آیا جب مزدور کام میں مصروف تھے، ملبے تلے چھ کان کن پھنسے جن میں سے ایک کو نکال لیا گیا۔
کوہاٹ: کوئلے کی کان میں دھماکہ، 3 کان کن جاں بحق، 4 زخمی
ملبے سے دو مزدوروں کی لاشیں نکال لی گئیں جبکہ تین کی تلاش کیلیے بھاری مشینری کا استعمال کیا جا رہا ہے۔
ابتدائی معلومات کے مطابق حادثہ کان کے اندر زمین کھسکنے سے پیش آیا، جس کے نتیجے میں مزدور دب گئے۔ انتظامیہ نے جائے حادثہ کو گھیرے میں لے لیا ہے۔