کراچی میں ای چالان سسٹم کے نفاذ کے پہلے ہی روز ٹریفک پولیس نے صرف 6 گھنٹوں کے اندر 2 ہزار 662 خلاف ورزیاں ریکارڈ کیں۔
ڈی آئی جی ٹریفک پیر محمد شاہ کے مطابق ابتدائی 6 گھنٹوں میں ہونے والی کارروائیوں کے دوران ایک کروڑ روپے سے زائد کے جرمانے کیے گئے۔
اعداد و شمار کے مطابق سیٹ بیلٹ نہ باندھنے پر سب سے زیادہ 1,535 چالان کیے گئے، جبکہ ہیلمٹ کے بغیر موٹر سائیکل چلانے پر 507 افراد کو جرمانہ کیا گیا۔
Sindh Government has launched the Faceless e-Tracking System, marking another milestone in the technological advancement of the Sindh Police in Karachi. It aims to enhance traffic enforcement and road safety, while increasing transparency and efficiency in the implementation of… pic.twitter.com/Nk7sJtDAHG
— Sindh Information Department (@sindhinfodepart) October 27, 2025
اسی طرح اوور اسپیڈنگ پر 419، ریڈ سگنل توڑنے پر 166، موبائل فون کے استعمال پر 32، اور ٹِنٹڈ گلاسز والی گاڑیوں پر 7 ای چالان جاری کیے گئے۔
مزید برآں، غلط سمت میں گاڑی چلانے پر 3، غلط پارکنگ پر 5، غیرقانونی پارکنگ پر 5 اور نو پارکنگ زون میں گاڑی کھڑی کرنے پر 5 چالان درج کیے گئے۔
اسی طرح لین لائن کی خلاف ورزی پر 3 اور اسٹاپ لائن کی خلاف ورزی پر 4 چالان بھی کیے گئے۔
پیر محمد شاہ نے بتایا کہ سسٹم کے افتتاح کے بعد بھی ٹیکنیکل امور میں مزید بہتری لائی جا رہی ہے تاکہ ای چالان کے عمل کو زیادہ مؤثر بنایا جا سکے۔
ٹریفک پولیس کے مطابق ای چالان سسٹم جدید کیمروں اور خودکار نمبر پلیٹ شناختی ٹیکنالوجی کے ذریعے خلاف ورزیوں کی فوری نشاندہی کرتا ہے، جس کے بعد چالان براہِ راست گاڑی کے رجسٹرڈ ایڈریس پر ارسال کیا جاتا ہے۔
شہری بلبلا اٹھے
نئے سسٹم کے نفاذ میں آتے ہیں دھڑا دھڑ جاری کیے جانے والے الیکٹرک چالان کی بڑی تعداد سے کراچی کے شہری بلبلا اٹھے۔
ای ٹکٹنگ نظام کی بدولت شہریوں کو اب ٹریفک چالان کے سلسلے میں تھانوں کے چکر نہیں لگانے پڑیں گے۔ وزیر داخلہ سندھ ضیاء الحسن لنجار pic.twitter.com/8mlqokJn2p
— Sindh Information Department (@sindhinfodepart) October 27, 2025
شکایت کنندگان کی بڑی تعداد موٹر سائیکل سواروں کی ہے جو پے درپے جاری کیے جانیوالے جرمانوں سے گھبرا گئے ہیں۔
گاڑی کا نمبر پکڑںے والا سسٹم ڈاکو پکڑنے سے قاصر کیوں؟
شہریوں کا مؤقف ہے کہ کراچی میں بچھا کیمروں کا جال اور الیکٹرک سسٹم گاڑی کا نمبر اور ٹریف کی خلاف ورزی تو فوراً پکڑ لیتا ہے لیکن جب چوروں اور ڈاکوؤں کو پکڑنے کی باری آتی ہے تو انتظامیہ بے بس نظر آتی ہے، اُس وقت اِس جیسے کسی برق رفتار نظام کو حرکت میں کیوں نہیں لایا جاتا؟