کرائم کنٹرول ڈیپارٹمنٹ نے لاہور کے علاقے اقبال ٹاؤن سے ٹک ٹاکر کاشف ضمیر کو تیرہ گارڈز سمیت ایک بار پھر گرفتار کرلیا ہے۔
حکام کے مطابق کاشف ضمیر کو سوشل میڈیا پر وائرل ہونے والی ویڈیوز کے بعد حراست میں لیا گیا جس میں ٹک ٹاکر کے پرائیویٹ مسلح گارڈز کو عوام کے سامنے ہتھیاروں کی نمائش کرتے ہوئے دکھایا گیا تھا۔
سونے کی فی تولہ قیمت میں 600 روپے کی کمی
ویڈیو سوشل میڈیا پر وائرل ہونے کے بعد سی سی ڈی نے فوری کارروائی کرتے ہوئے نہ صرف سوشل میڈیا شخصیت کو گرفتار کیا بلکہ ان کے تیرہ بھاری ہتھیاروں سے لیس گارڈز کو بھی گرفتار کیا۔
کاشف ضمیر اور ان کے پرسنل سیکیورٹی گارڈز کے خلاف متعدد دفعات کے تحت سی سی ڈی پولیس اسٹیشن میں مقدمات درج کیے گئے ہیں، جن میں اسلحے کی غیر قانونی نمائش اور عوام کی حفاظت کو خطرے میں ڈالنے کے مقدمات بھی شامل ہیں۔