پشاور: پاکستان تحریک انصاف (پی ٹی آئی) نے خیبر پختونخوا میں مختصر کابینہ تشکیل دینے کا فیصلہ کر لیا۔
وزیر اعلیٰ خیبرپختونخوا سہیل آفریدی کے زیر صدارت پارلیمانی پارٹی کا اجلاس وزیراعلیٰ ہاؤس میں ہوا۔ پارلیمانی پارٹی کے اجلاس میں اسپیکر صوبائی اسمبلی بابرسلیم سواتی سمیت پی ٹی آئی کے اراکین صوبائی اسمبلی نے شرکت کی۔
اجلاس میں صوبائی کابینہ کی تشکیل نو کے حوالے سے اہم فیصلہ کیے گئے۔
ذرائع کے مطابق پارلیمانی پارٹی کے اجلاس میں اراکین پی ٹی آئی نے خیبر پختونخوا اسمبلی میں مختصر کابینہ تشکیل دینے کا فیصلہ کیا۔ جس کے بارے میں کل تک فیصلہ متوقع ہے۔
یہ بھی پڑھیں: حکومت کیجانب سے عمران خان کو پے رول یا شفٹ کرنے کی کوئی آفر نہیں، بیرسٹر عقیل
اس حوالے سے وزیر اعلیٰ خیبر پختونخوا سہیل آفریدی نے تمام اراکین کو اعتماد میں لیا۔ اور کابینہ اراکین کا انتخاب وزیر اعلیٰ اپنی مرضی کے مطابق کریں گے۔