پاکستان پیپلز پارٹی کے مرکزی سیکریٹری اطلاعات ندیم افضل چن کا کہنا ہےکہ پیپلزپارٹی کے بغیر یہ نظام نہیں چل سکتا، آصف زرداری کی صدارت کو کوئی خطرہ نہیں۔
نجی ٹی وی کو دیئے گئے خصوصی انٹرویو میں کہا کہ وزیراعلیٰ اب وزیراعظم بن گئے، مزید کیا بنیں گے۔اسپیکرپنجاب اسمبلی کا ارکان کوڈی سیٹ کرانا جمہوری اقدام نہیں، اسپیکر پنجاب اسمبلی ریفرنس واپس لیں، یہ عوام کی توہین ہے۔
ان کا کہنا تھا کہ ہوسکتا ہے اسپیکر نے ریفرنس نہ بھجوایا ہو صرف تصویر کھنچوائی ہو، لڑائیاں ہوتی رہتی ہیں، جمہوری روایات میں اس حدتک نہیں جایا جاتا۔
انھوں نے مزید کہا کہ ملک محمد احمد کی پارٹی میں پوزیشن شاید کمزور تھی، اس لئے انہوں نے یہ قدم اٹھایا، اسپیکر کے وزیراعلیٰ اور ان کی ٹیم کے ساتھ معاملات ٹھیک نہیں تھے اس لئے یہ کیا۔
بھارت کی جانب سے پاکستان پر دوبارہ حملے کا خدشہ موجود ہے، خواجہ آصف
ترجمان پی پی کا کہنا تھا کہ ن لیگ نے کئی باراس سے زیادہ تشدد کے واقعات کیے لیکن ڈی سیٹ نہیں ہوئے۔
مریم نواز کی کارگردگی کے حوالے سے انھوں نے کہا کہ کئی حوالوں سے وزیراعلیٰ پنجاب کی کارکردگی سے مطمئن ہوں تاہم کچھ پر تحفظات ہیں، حکومت کو تشہیر پر پیسہ لگانے کے بجائے ریسکیو 1122 پر لگانا چاہئے۔
ان کا کہنا تھا کہ نواز شریف کو صلح کرنی چاہئے، لڑائیاں ختم کرائیں ورنہ تاریخ معاف نہیں کرے گی۔