پنجاب حکومت نے عوامی سہولت کے لئے ٹول پلازوں بارے اہم فیصلہ کر لیا۔
وزیراعلیٰ پنجاب مریم نواز کی صدارت میں ہونے والے اجلاس میں پنجاب کے تمام ٹول پلازوں پر پرچی کا نظام ختم کرنے اور مکمل ڈیجیٹلائزیشن کا فیصلہ کیا گیا ہے۔
اجلاس میں مختلف محکموں نے ترقیاتی منصوبوں پر بریفنگ دی جن میں ٹرانسپورٹ، تعمیرات، توانائی بچت اور شہری خوبصورتی کے منصوبے شامل تھے۔ اجلاس میں کہا گیا کہ پنجاب کے 38 ٹول پلازوں ( toll plaza ) پر موٹروے کی طرز پرون ایپ، ون سسٹم متعارف کرایا جائے گا۔
نومنتخب وزیراعلیٰ سہیل آفریدی کا انتخاب پشاور ہائیکورٹ میں چیلنج
یہ فیصلہ عوام کو سہولت فراہم کرنے اور آمدورفت میں شفافیت اور تیزی لانے کے لئے کیا گیا ہے۔ وزیراعلیٰ کی صدارت میں ہونے والے اجلاس میں پانچ بڑی سڑکوں کی تعمیر، مرمت اور بحالی کے منصوبوں کیلئے پبلک پرائیویٹ شراکت داری کی منظوری بھی دی گئی۔
اجلاس میں کہا گیا کہ ان منصوبوں میں نجی ادارے کام کریں گے اور حکومت ان کے ساتھ اشتراک کرے گی، اس عمل سے اخراجات میں کمی اور کام کی رفتار میں بہتری کا امکان ہے۔
ای ٹینڈرنگ کے ذریعے پنجاب میں 40 ارب روپے کی بچت ہوئی، وزیراعلیٰ نے نئی بننے والی تمام سڑکوں پر سولر سٹریٹ لائٹس لگانے کا حکم دیا تاکہ توانائی کی بچت ہو اور ماحول دوست نظام کو فروغ حاصل ہو۔
بارشوں اور سردی کے متعلق بڑی پیشگوئی سامنے آ گئی
اجلاس میں لاہور کی خوبصورتی کے لئے بھی متعدد منصوبے منظور کئے گئے، ریلوے اسٹیشن کے سامنے پارک میں فوارہ اور بچوں کیلئے منفی ٹرین بھی چلانے کا فیصلہ کیا گیا، اسٹیشن کے تین کلومیٹر کے اطراف میں نئی سڑکیں اور فٹ پاتھ بھی بنائے جائیں گے۔
بریفنگ میں بتایا گیا کہ حالیہ سیلاب سے متاثرہ 54 پل، 142 چھوٹے پل اور 858 سڑکیں مکمل طور پر بحال کر دی گئی ہیں،مری کی تمام روڈز، چکوال اور ساہیوال کی بیشتر سڑکوں کی تعمیر و مرمت کے پراجیکٹ مکمل ہوچکے ہیں۔