پاک فوج کے ترجمان لیفٹیننٹ جنرل احمد شریف نے کہا ہے کہ دشمن کی جارحیت کے خلاف پاک فوج اور عوام سیسہ پلائی ہوئی دیوار ثابت ہوں گے۔
ڈی جی آئی ایس پی آر نے مردان کی مختلف یونیورسٹیز اور مدارس کے اساتذہ اور طلبہ سے نشست کے دوران خصوصی گفتگو کی، اس نشست میں عبد الولی خان یونیورسٹی، وومن یونیورسٹی، یونیورسٹی آف انجینئرنگ اینڈ ٹیکنالوجی اور مدارس کے طلبہ اور اساتذہ شریک ہوئے۔
ہم پہلے پاکستانی اور بعد میں صوبوں کے مکین ہیں، وزیراعظم
اس موقع پر ڈی جی آئی ایس پی آر نے کہا کہ پاکستان نے دہشت گردی اور خوارج کے خلاف موثر اقدامات کیے ہیں، دشمن کی کسی بھی جارحیت کے خلاف پاک فوج اور عوام سیسہ پلائی ہوئی دیوار ثابت ہوں گے۔
لیفٹیننٹ جنرل احمد شریف نے معرکہ حق، پاک افغان کشیدگی اور سیکیورٹی صورتحال پر تبادلہ خیال کیا، انہوں نے کہا کہ پاکستان نے دہشت گردوں اور خارجیوں کے خلاف مؤثر اقدامات کیے۔
خصوصی نشست کے دوران طلبہ اور اساتذہ کی جانب سے غازیوں اور شہداء کو خراج تحسین پیش کیا گیا، اساتذہ کا کہنا تھا کہ قوم امن کی کاوشوں اور ملک کی ترقی میں پاک فوج کے کردار کو قدر کی نگاہ سے دیکھتی ہے۔
اقوام متحدہ کے قیام کا نظریہ آج غیر معمولی آزمائش کا شکار ہے، پاکستان کا بھارت کو بھی بھرپور جواب
اس نشست کے دوران طلبہ نے کہا کہ ملکی سلامتی اور استحکام کے حصول کیلئے خیبر پختونخوا کے نوجوان پاک فوج کے شانہ بشانہ کھڑے ہیں، انہوں نے کہا کہ ہمیں اس بات کی آگاہی ملی کہ کیسے ملک دشمن عناصر ہمارے ملک اور افواج کے خلاف سوشل میڈیا پر پراپیگنڈا کرتے ہیں۔
طلبہ نے کہا کہ افواج پاکستان کی ملک کو درپیش خطرات کے خاتمے کیلئے بے پناہ قربانیاں ہیں، ان کا کہنا تھا کہ اب ہماری یہ ذمہ داری ہے کہ اپنی افواج کے شانہ بشانہ کھڑے ہوں۔