جمعرات کو کاروبار کے آغاز کیساتھ ہی پاکستان اسٹاک ایکسچینج نے زبردست تیزی دکھائی جب KSE-100 انڈیکس 1,000 پوائنٹس سے زائد بڑھ کر 166,704 پوائنٹس تک پہنچ گیا۔
تجزیہ کاروں کے مطابق اس مثبت رجحان کی بڑی وجہ آئی ایم ایف اور پاکستان کے درمیان 1.2 ارب ڈالر کے اسٹاف لیول معاہدے کی خبر ہے۔
𝐊𝐒𝐄𝟏𝟎𝟎 𝐈𝐍𝐃𝐄𝐗 | 𝐌𝐎𝐑𝐍𝐈𝐍𝐆 𝐑𝐄𝐒𝐄𝐀𝐑𝐂𝐇 𝐍𝐎𝐓𝐄 | 𝟏𝟔𝐭𝐡 𝐎𝐜𝐭, 𝟐𝟎𝟐𝟓
In yesterday’s trading session, The Pakistan Stock Exchange (PSX) had a roller coaster session, ultimately closing up by 210 points (-0.13%) at 165,686 after reaching a high of 167,561… pic.twitter.com/eN8OknQlJX
— EK Global Capital (@EkGlobalCapital) October 16, 2025
بینکنگ، سیمنٹ، آئل اینڈ گیس، اور توانائی کے شعبوں میں بھرپور سرمایہ کاری دیکھی گئی، جبکہ عالمی مارکیٹوں میں بھی ایشیائی اسٹاکس میں بہتری نظر آئی۔
ڈالر گر گیا
دوسری جانب جمعرات کو انٹربینک میں ڈالر کی قیمت میں معمولی کمی دیکھنے میں آئی۔
ایکسچینج کمپنیز ایسوسی ایشن کے مطابق پاکستانی روپے کے مقابلے میں امریکی ڈالر کی قیمت میں 7 پیسے کی کمی ریکارڈ کی گئی ہے۔
تازہ قیمتوں کے مطابق انٹربینک مارکیٹ میں ڈالر کی نئی قیمت 281 روپے 5 پیسے ہو گئی ہے۔
کرنسی مارکیٹ کے تجزیہ کاروں کے مطابق یہ معمولی کمی روپے کی قدر میں کچھ بہتری کا اشارہ ہے، تاہم بیرونی قرضوں کی ادائیگی اور درآمدات کے دباؤ کے باعث مستقبل میں اتار چڑھاؤ کا امکان برقرار ہے۔