وفاقی وزیر پیٹرولیم ڈاکٹرمصدق ملک نے کہا ہے کہ پارلیمان کا کام تو پارلیمان ہی کرے گی کوئی اورنہیں، قانون سازی پارلیمان ہی کرے گی۔
ہم نیوز کے پروگرام ” فیصلہ آپ کا” میں گفتگو کرتے ہوئے وفاقی وزیر پٹرولیم ڈاکٹر مصدق ملک نے کہا کہ قانون سازی کا حق پارلیمان کو ہی ہے۔
انہوں نے کہا کہ پارلیمان کسی کو آئین اورقانون سازی کرنے نہیں دے گی، آئین کی تشریح کیلئے ہی ایک آئینی بینچ بنایا گیا ہے،اگرعدالت کوئی غلطی کرے گی تو میں اس کا ذمہ دار نہیں ہوں۔
مشرق وسطیٰ کے دو بینکوں سے ایک ارب ڈالر قرض کی شرائط پر اتفاق ہوگیا ،وفاقی وزیرخزانہ
ہم نیوز کے پروگرام ” فیصلہ آپ کا ” میں سابق وفاقی وزیر مصطفی نواز کھوکھر نے گفتگو کرتے ہوئے کہا کہ 26ویں آئینی ترمیم کیخلاف پٹیشن دائر کی گئی ہے۔
انہوں نے کہا کہ آج پاکستان کو غیرمعمولی حالات کاسامنا ہے، ہمیں چیزوں کو ٹھیک کرنے کیلئے کہیں سے شروعات کرنی ہوں گی۔
وفاقی وزیر فواد چوہدری نے کہا کہ 26ویں آئینی ترمیم کی طرح کبھی کوئی آئینی ترمیم نہیں ہوئی، جن ججز نے تھوڑا ریلیف دیا ان کے گھروں پر فائرنگ بھی ہوئی،امریکا کیلئے اس وقت داعش بہت بڑا خطرہ ہے۔