وزیر خزانہ محمد اورنگزیب کی سربراہی میں پاکستانی وفد نے واشنگٹن میں امریکی سیکریٹری اور امریکی تجارت کے نمائندے سے ملاقات کی ہے۔
دونوں فریقین نے ملاقات میں پاک امریکا تجارتی تعلقات اور سرمایہ کاری میں فروغ کے عزم کا اعادہ کیا اور پاک امریکا ٹریڈ ڈائیلاگ میں مثبت پیشرفت کا امکان ظاہر کیا، وزیر خزانہ نے کہا کہ معاشی شعبے میں تعلقات کو مضبوط بنانے کیلئے تمام ممکنہ راستوں کو تلاش کریں گے۔
پاک بھارت جنگ میں 5 طیارے گرائے گئے تھے، پہلی بار ٹرمپ کا اعتراف
محمد اورنگزیب نے کہا کہ امریکا پاکستان کا سب سے بڑا تجارتی شراکت دار ہے، پاکستان شعبہ ٹیکنالوجی، آئی ٹی اور معدنیات میں بھی تعاون کو وسعت دینےکا خواہاں ہے تاکہ دونوں ممالک کے درمیان باہمی فائدہ مند تعلق قائم ہو۔
انہوں نے کہا کہ پاکستان شعبہ زراعت میں تعاون کو وسعت دینے کا خواہشمند ہے، امریکی حکام کےساتھ اب بھی کچھ حل طلب امور باقی ہیں۔
انہوں نے کہا کہ پاکستان اورامریکا کے درمیان تجارتی تعلقات سمیت مختلف امور پر بات چیت ہوئی، چند ماہ سے جاری دوطرفہ تجارتی مذاکرات کا احاطہ کیا گیا ہے، امید ہے کہ تجارتی مذاکرات تعمیری اندازمیں آگے بڑھیں گے، امریکا کےساتھ تجارت اورسرمایہ کاری کو بڑھانا چاہتے ہیں۔