لاہور: ڈی آئی جی ٹریفک پنجاب محمد وقاص نذیر نے موٹرسائیکل سواروں کے لیے ایک ہی دن میں لائسنس کے اجرا کی سہولت جاری رکھنے کا فیصلہ کیا ہے۔
پنجاب میں موٹرسائیکل سواروں کوایک ہی دن میں لرننگ و ریگولر لائسنس کی سہولت فراہم کرنے کے منصوبے کو ایک سال مکمل ہو گیا۔ اور صوبے بھر میں ایک سال کے دوران موٹرسائیکل سواروں کو 29 لاکھ 60 سے زائد ریگولر لائسنس جاری کیے گئے۔ جن میں 14 ہزار سے زائد خواتین اور 100 سے زائد خواجہ سرا بھی شامل ہیں۔
ملکی تاریخ میں پہلی بارموٹر سائیکل سواروں کو لائسنس کی اتنی بڑی سہولت فراہم کی جا رہی ہے۔ اور اس اقدام کے تحت، لرنر اور ریگولر لائسنس دونوں ایک ہی دن جاری کیے جاتے ہیں۔
یہ بھی پڑھیں: لاہور ہائیکورٹ کا نجی اسکولوں کی تعطیلات سے متعلق رولز بنانے کیلئے کمیٹی تشکیل
ڈی آئی جی ٹریفک محمد وقاص نذیر نے کہا کہ 29 لاکھ سے زائد موٹرسائیکل سواروں کا لائسنس حاصل کر کے ڈرائیونگ کرنا خوش آئند ہے۔ اور اس اقدام سے سڑک حادثات میں کمی آئے گی۔
انہوں نے کہا کہ لائسنس کے حصول سے روزگار کے مواقع بھی میسر ہو رہے ہیں۔